Sida ay ku waramayaan warbaahinta Itoobiya Ciidamadii ugu badnaa oo oo Itoobiyaan ah ayaa soo galay gudaha Soomaaliya, kuwaasi oo aan la qiyaasin tiradooda rasmi ah, waxaana la sheegay in ay wateen gaadiid dagaal iyo hub culus, waxaa ayna ku sugan yihiin deegaanka Feerfeer ee G/Hiiraan.
Ciidamadaan ayaa la sheegay in ay fariisin ka dhigan doonaan  deegaano ka mid ah Hiiraan iyo Shabeellada dhexe, waxaa ayna qeyb ka noqon doonaan dagaalka ka dhanka ah maleeshiyaadka Al-shabaab.maadaama maalmihii la soo dhaafay weeraro rogaal celin ah ku soo qaaday deegaanada Shabeellaha Dhexe.
Habeeno ka hor  ayay aheyd markii diyaaradaha dagaalka Itoobiya ay duqeymo culus ka geysteen deegaano ka tirsan Shabeellaha Dhexe, kaddib codsi ka yimid dowladda Federaalka Soomaaliya.
Ciidamadan Itoobiyaanka ayaa waxaa la sheegay in ay qeyb ka yihiin Howlgalla cusub ee AUSSOM, waxaana sidoo kale kaalin ka qaadan doonaan duqeymaha lagu beegsanayo maleeshiyaadka Al-shabaab.
Ma jiro weli war ka soo baxay dowladda Soomaaliya, kaasi oo ku aadan in ay ka hadasho ciidamada Itoobiyaanka ee soo galay Soomaaliya iyo waxyaabaha ay qaban doonaan.
Ciidamada Itoobiya ayaa xiligan waxaa ay ku sugan gobolladii ay horey uga howlgalayeen ee Soomaaliya, sida Gedo, Baay, Bakool iyo Hiiraan.
