Taliyaha Ciidanka Dhulka Xoogga Dalka Soomaaliyeed Sareeye Guuto Sahal Cabdullaahi Cumar ” Gen khaalid” oo howlo shaqo u jooga magaalada Baardheere ee gobolka Gedo ayaa kormeer ku tagay buundada magaalada halkaa oo uu ka muuqdo burbur xooggan isla markaana gabi ahaanba go’an oo aan shaqeynayn
Taliyaha iyo saraakiishii kormeerka ku wehlinaysay ayaa sidoo kale u kuurgalay xaaladda guud ee wabiga mara magaalada Baardheere gaar ahaan labada dhinac ee jiinka wabiga xaaladaha amni iyo mida nololeed ee halkaasi ka jira iyada oo laga Cabdi qabo biya baxooyin waa weyn oo la saadaalinayo guud ahaan somaaliye
Taliyaha Guutada 36-aad Qeybta 43-aad ee Ciidanka Xoogga Dalka Soomaaliyeed G/Sare Cismaan Sheekh Cabdi Qorax iyo Maamulka Degmada Baardheere oo uu wehlinayo Maareeyaha Garoonka Degmada Baardheere Jaamac Cali hire iyo ayaa Taliyaha iyo saraakiisha la socotay warbixin ka siiyay xaaladda amniga ee jiinka wabiga iyo baahiyaha aasaasiga ah ee ka jira deegaanka
Taliyaha Ciidanka Dhulka XDS ayaa ballanqaaday in wax laga qaban doono caqabadaha ka jira deegaanka iyadoo mudnaanta koowaad la siinayo dib u dayac tirka burburka buundada oo sababay in Gabi ahanba ineysan shaqeyn buundada
Buundada Baardheere ayaa muhiim u ah isu-socodka bulshada iyo gaadiidka, iyadoo burburkeedu caqabad weyn ku yahay isku xirka labada dhinac ee wabiga iyo gaarsiinta adeegyada muhiimka ah ee bulshada.
