Wasaaradda Arrimaha Gudaha ee Xukuumadda Federaalka ah ee Soomaaliya ayaa sheegtay inay ka xuntahay dhacdo ay ku tilmaamtay nasiib darro oo ka dhacday degmada Dhahar ee gobalka Sanaag.
Wasaaraddu waxay dhanka kale tacsi u dirtay dadka halkaas ku geeryooday iyadoo caafimaad u rajeysay kuwa ku dhaawacmay.
โWaxaan ugu baaqaynaa dhinacyada ku lugta leh rabshadaha in ay joojiyaan, sidoo kale bulshada deegaanka iyana waxaan ugu baaqaynaa daganaan iyo Xasilooniโ, ayaa lagu yiri war-saxaafadeedka dowladda
โWasaaraddu, waxay si xushmad leh uga codsanaysaa Isimada Dhaqanka, Culimada iyo Waxgaradku in ay u istaagaan xakamaynta iyo soo afmcerista Xiisadda Dhahar lagana hortago dhacdooyinka nuucaan oo kale ahโ, ayaa intaa lagu daray.
โWasaaraddu waxay ugu baaqaysaa Madaxwaynaha Puntland in uu joojiyo falalka sii hurinaya colllaadda isla markaana uu dib u celiyo Ciidamada uu kasoo diray degmada Qardho kuwaas, oo loogu talo galay in ay Khawarijta ladagaalamaan balse nasiib darro loo weeciyay dano kale oo aan waxtar lahaynโ, ayaa lagu yiri warqadda ay soo saartay dowladda
