Safiirka dowladda Soomaaliya u fadhiya dalka Itoobiya ambassador Cabdullaahi Warfaa ayaa si adag uga hadlay faragelin kasta oo lagu sameeyo arrimaha gudaha Soomaaliya, isagoo xusay in tallaabooyin culus laga qaadi doono cid kasta oo ku xadgudubta madaxbannaanida iyo midnimada dhuleed ee dalka.
Safiirka ayaa sheegay in dal kasta oo isku daya inuu farageliyo arrimaha gudaha Soomaaliya ama wax u dhimi karo madax-bannaanida iyo wadajirka dhuleed ee dalka uu wajihi doono cawaaqib adag, oo ay ku jiraan xayiraado suurtagal ah oo lagu soo rogo marin u helidda marin-biyoodka istiraatiijiga ah ee Bab-el-Mandeb.
Wuxuu xusayay in Soomaaliya ay si buuxda uga go’an tahay ilaalinta qaranimadeeda iyo ka hortagga faragelin kasta oo dibadeed, isaga oo ugu baaqay beesha caalamka in ay ixtiraamaan madax-bannaanida dalka.
