Madaxweynaha Soomaaliya Xasan Sheekh Maxamuud iyo siyaasiyiinta madasha mucaaradka oo uu hoggaaminayo madaxweynihii hore ee Soomaaliya Sheekh Shariif Sheekh Axmed ayaa maanta kulan xasaasi ku yeelanaya magaalada Muqdisho.
Kulanka ayaa waxaa si weyn looga doodi doonaa afar qodob oo xasaasi ah, kuwaasi oo kala ah
1. Wax ka bedelka Dastuurka oo madaxweynuhu ogolaaday in laga wadahadlo.
2. Iyo Hannaanka Doorashooyinka oo La raadinayo Doorasho heshiis lagu yahay.
3-Adekeynta midnimada dalka,
4-Amniga iyo ciribtirka argagixisada,
Kulanka maanta ay Madasha mucaaradka la qaadanayaan Madaxweyne Xasan Sheekh Maxamuud ayaa noqonaya kii ugu adkaa ee labada dhinac, waxaana dhinacyada dhex mari doono dood adag oo ku saabsan qodobadda la isku khilaafsan yahay.
Dooda adag kadib ayaa waxaa la filayaa in dhinacyada ay soo saaraan warmurtiyeed ay ku heshiiyeen, iyadoona si weyn isha looga hayo natiijada ka soo bixi doono shirkooda.
