Dowladda Eritrea ayaa dalkeeda ka mamnuucday duulimaadyada diyaarada Ethiopian Airlines, kaddib markii lagu eedeeyay in diyaarada ay xadgudub abaabulan kula kacday rakaabka Eriteriyaanka ah ee raaca diyaaradooda.
Maamulka Hay’adda Duulimaadka Rayidka ee dalka Eritrea , ayaa qoraal ay soo saartay ku shaacisay in dalkooda laga mamnuucay in duulimaad ku yimaadaan diyaarada Ethiopian Airlines, waxaana go’aankan qaateen kaddib markii ay u caddaatay in xadgudubyo sameesay diyaaradda.
“Xatooyo boorsooyinka ah, waxyeelayn, dib u dhac aad u dheer, xoolo lumin aan magdhaw lahayn, sicirka tikidhada oo si aan la macnayn Karin cirka la gaarsiiyo iyo sharci darrooyin kale oo aynu aragnay,” ayaa lagu yiri warka kasoo baxay dowladda Eritrea.
Dawladda Eritrea waxay sheegtay in marar badan ay isku dayeen in ay dhibaatooyinka ay ku kacday Ethiopian Airlines xalliyaan iyaga oo xiriir la sameeyay diyaaradda, balse in aysna suuragalin ayay ku sheegeen warka ay soo saareen.
“Marar badan ayaan xasuusinay diyaaradda Ethiopia Airlines in ay xaliyaan dhibatooyinka aan kor ku xusnay laakiin wax natiijo ah kama aysan dhalan,” ayaa ;agu yiri warka ay soo saartay Hay’adda Duulista Rayidka ee Eritrea.
Hay’adda Duulista dowladda Eritrea ayaa ku wargalisay rakaabka dalkooda u dhashay ee qorsheynaya in ay isticmaalaan diyaaradda Itoobiya, wixii ka dambeeya 20 ka bisha September in ay wax ka sii badalaan qorshahooda xilli hore.
