Golaha Mustaqbalka Soomaaliyeed oo Go’aano culus ka soo saaray xaalada siyaasadeed ee dalka

Waxaa magaalada Nairobi ee dalka Kenya ku soo dhammaaday shir muhiim ah oo socday muddo saddex maalmood ah, kaas oo ay yeesheen mas’uuliyiin ka tirsan Golaha Mustaqbalka Soomaaliyeed, oo ay ku mideysan yihiin Madasha Samatabixinta Soomaaliyeed, Dowlad Goboleedka Jubaland iyo Dowlad Goboleedka Puntland.

Shirkan ayaa daba socday kulamo hore oo ay guddiyo farsamo yeesheen 5–8 November 2025, kuwaas oo loo xilsaaray dejinta siyaasadda iyo qorshaha Golaha Mustaqbalka, gaar ahaan qabsoomidda Shirweynaha Golaha Mustaqbalka Soomaaliyeed ee lagu wado inuu ka dhaco gudaha Soomaaliya.

Iyadoo laga duulayo xaaladda cakiran ee amni, hubanti la’aanta siyaasadeed iyo dhaawaca gaaray midnimada iyo wadajirka dalka, Golaha Mustaqbalka ayaa go’aamiyay in la dardar-geliyo qabsoomidda shirweynaha Golaha Mustaqbalka Soomaaliyeed, si loo helo hannaan mideeya aragtida mucaaradka iyo madaxda goboleedyada.

Golaha Mustaqbalka wuxuu ku baaqay in la dhowro dhaqankii wanaagsan ee dimuqraadiyadda, islamarkaana doorashooyinka hay’adaha dowladda federaalka lagu qabto waqtigooda si waafaqsan heshiisyadii hore ee dalka, loogana fogaado muddo kororsi sharci darro ah.

Golaha Mustaqbalka Soomaaliyeed wuxuu caddeeyay in aan wax ka beddel lagu samayn karin Dastuurka KMG ah ama heshiiskii siyaasadeed ee 2012-kii lagu dhisay nidaamka federaalka, haddii aanay dhammaan dhinacyadu ku heshiin.

Golaha ayaa digniin u diray madaxda Dowladda Federaalka, isagoo sheegay in talaabo kasta oo horseedaysa muddo kororsi, ama carqaladayn ku timaadda doorashooyinka, ay khatar ku tahay midnimada iyo wadajirka dalka.

Golaha Mustaqbalka wuxuu ugu baaqay Madaxweynaha Federaalka Soomaaliya inuu ku soo noqdo hoggaansanaanta Dastuurka iyo heshiisyadii hore, isla markaana uu hormuud u noqdo qabsoomidda doorasho daah-furan oo heshiis lagu yahay, laguna qabto waqtigeeda.

Ugu dambeyntii, Golaha Mustaqbalka Soomaaliyeed wuxuu shacabka Soomaaliyeed ugu baaqay inay adkeeyaan midnimadooda iyo wadajirkooda, islamarkaana ay ka qaybqaataan badbaadinta mustaqbalka dalka iyo sidii doorasho xor ah oo waqtigeeda ku dhacda loo heli lahaa.

 

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles