Golaha wasiirrada xukuumadda oo shalay yeeshay kulan deg-deg ah, kaas oo lagu balansanaa in go’aan looga gaaro dhaqan-gelinta dastuurka cusub ee kala saaraya xukuumadda iyo baarlamaanka, ayaan wax qoraal rasmi ah oo arrintaas ku saabsan laga soo saarin.
Golaha ayaa dhanka kale shirkiisii deg-degga ahaa kasoo saaray qodobo kale oo la xiriira heshiisyo iyo ansixinta safiiro cusub.
Sida ay Risaala TV xogta ku heshay, xubnaha golaha wasiirrada qaarkood ayaa kalsooni darro ka qaba dhaqangelinta dastuurka cusub, waxayna ka caga-jiidayaan inay baneeyaan mid kamid ah labada xil ee ay hadda isku hayaan, maadaama ay jirto rajo laga qabo in heshiis laga gaaro khilaafka doorashada.
Dhanka kale, beesha caalamka ayaan weli ka quusan dadaallada lagu doonayo in heshiis looga gaaro arrimaha doorashada, halka mucaaradkuna ay ku adkeysanayaan inay qaadi doonaan tallaabooyin haddii dowladda aysan oggolaan wadahadal iyo heshiis siyaasadeed.
