Weerar Madafiic Hoobiyeyaal ah ayaa duhurnimadii maanta lagu qaaday Xerada Xalane ee magaalada Muqdisho oo saldhig u ah safaaradaha Beesha Caalamka, xarunta Q/Mdioobay iyo Ciidamada Midowga Afrika.
Qaraxyada ilaa seddex hoobiye ayaa la maqlay, kuwaasoo ku dhacay gudaha xerada Xalane iyo agagaarkeeda, gaar ahaan meel u dhow halka Shaqaalaha Qaramada Midoobey ay ka raacaan diyaaradaha.
Sawirro laga soo qaaday xaydaabka Garoonka Aaden Cadde ayaa muujinaya burbur xoogan oo gaaray dhismeyaasha yaryar ee ku dhow xerada Xalane oo madaafiicda ay ku dhacday.
Ilaa iyo hadda lama sheegin khasaare ka dhashay madaafiicda, Waxaana weerarka sheegatay Alshabaab.
Sidoo kale ma jiro weli wax war ah oo ka soo baxay laamaha ammaanka dowladda Soomaaliya.
Alshabaab ayaa si joogto ah weerarro noocan oo kale ah ugu qaaday Xalane iyo Garoonka Muqdisho, waxaana Weerarkii ugu danbeeyay uu dhacay 27-ka Bishii hore ee Febraayo xilli uu Garoonka Adden Cadde kasoo degayay Raโiisal Wasaaraha Itoobiya Abiy Ahmed.
Hayโadaha Amniga iyo kuwa sirdoonka Soomaaliya ayaan weli ku guuleysan inay ka hortagaan weerarrada madaafiicda ee Alshabaab ku beegsato goobhii la filayay inay noqdaan kuwa ugu amniga badan ee Muqdisho sida Xalane iyo Garoonka Aden Cadde.
