Shir aan caadi ahayn oo ay yeelanayaan Golaha Wasiirrada Urur-goboleedka IGAD ayaa maanta oo 15-ka Sebtembar 2026 ka furmaya magaalada Jabuuti ee dalka Jabuuti.
Shirka oo ah Kalfadhiga 74-aad ee aan caadiga ahayn ee Golaha Wasiirrada IGAD ayaa waxaa isugu imaanaya wasiirrada arrimaha dibadda iyo wakiillada dowladaha xubnaha ka ah ururka.
Waxaa diiradda lagu saarayaa xaaladda nabadda iyo amniga gobolka, horumarada ka socda gobolka iyo sidii dalalka xubnaha ka ah IGAD ay u xoojin lahaayeen iskaashiga iyo dadaallada wadajirka ah ee lagu gaarayo nabad iyo xasillooni.
Golaha Wasiirrada ayaa sidoo kale ka wada hadli doona arrimo la xiriira xoojinta iyo hirgelinta Heshiiska IGAD, iyadoo la eegayo mudnaanta iyo caqabadaha cusub ee gobolka.
Wasiirka Arrimaha Dibadda Soomaaliya oo ka qeybgalaya Soomaaliya ayaa shirka uga qeybgaleysa wafdi uu hoggaaminayo Wasiirka Arrimaha Dibadda iyo Iskaashiga Caalamiga ah, Cabdisalaam Cabdi Cali.
Wasiirka ayaa Soomaaliya ku matalaya kulanka ay wasiirrada arrimaha dibadda ee gobolka kaga arrinsanayaan nabadda, amniga iyo iskaashiga Geeska Afrika.
Shirka ayaa la filayaa in gabagabadiisa laga soo saaro war-murtiyeed ka tarjumaya go’aannada iyo natiijooyinka laga gaaro kulanka.
