Nabadoon Aadan Maxamuud Buurdhuubo ayaa xalay lagu dilay degmada Balad Xaawo ee gobolka Gedo, kaddib markii koox hubeysan oo aan heebtooda la garanaynin ay toogteen.
Goobjoogayaal ayaa sheegay in kooxdii dilka geysatay ay si degdeg ah uga baxsadeen goobta, iyadoo aan la ogeyn halka ay u baxsadeen.
Illaa iyo hadda, laamaha ammaanka degmada Balad Xaawo kama aysan hadlin dilka nabadoonka, mana jiro cid loo soo qabtay falkaasi.
Guddoomiyaha degmada Beledxaawo ayaa ka tacsiyeeyay dilka loo geystay Marxuunka, waxaa uuna yiri “Waxaan ka tacsiyeynayaa geerida ku timid allaha u naxariisto Nabadoon Aadan mohamuud Burdhuube oo Gacan ka xaqdaran ku dishay Degmada Beled-xaawo oo ahaa shaqsi muhiim ah kana tirsana Golaha Guurtida Degmada Waxaa si gaar ah ugu tacsiyaynayaa Qoyska, qaraabada, salaadiinta dhaqanka iyo dhammaan bulshada ree balad-xaawo waxaan leeyahay Samir iyo iimaan Allah naga wada siiyo Nabadoonka Qabrigisane allaha u waasiciyo!.”
Dilka Nabadoon Aadan Buurdhuubo ayaa kusoo aadaya xilli gobolka Gedo ay maalmihii dambe ka jireen falal amni-darro ah oo ay ku lug leeyihiin kooxo hubeysan.
