Saturday, August 30, 2025

Madaxweynaha Soomaaliland oo u ambabaxay dalka Qatar

Madaxweynaha Somaliland Cabdiraxmaan Maxamed Cabdillaahi (Cirro) iyo wefti uu hoggaaminayo, ayaa maanta safar ugu baxay dalka Qadar, halkaas oo uu ku sugnaan doono maalmaha soo socda.

Sida lagu sheegay war-saxaafadeed ka soo baxay Xarunta Madaxtooyada, Madaxweyne Cirro ayaa marti-qaad ka heley dowladda dalka Qadar, waxaana ka mid ahaa weftigan Wasiirka Arrimaha Dibedda iyo Iskaashiga Caalamiga ah, Wasiirka Arrimaha Gudaha iyo Amniga Qaranka, Wasiirka Madaxtooyada, Wasiirka Diinta ito Awqaafta, La-Taliyaha Arrimaha Dhaqaalaha iyo Madaxa Xafiiska Madaxweynaha.

War-saxaafaddeedka laga soo saaray Socdaalka Madaxweyne Cirro, waxaa kale oo lagu sheegay in muddada uu madaxweynuhu joogo magaalada Dooxa uu la kulmi doono madaxda iyo mas’uuliyiinta sarsare ee dowladda Qadar, kuwaas oo uu kala hadli doono danaha labada dhinac oo ay ka mid yihiin xagga amniga iyo xasilloonida Badda Cas iyo Gacanka Cadmeed iyo Geeska Afrika, iskaashiga iyo wax wada qabsiga, maalgashiga, horumarinta kaabayaasha dhaqaalaha iyo arrimaha bulshada.

Safarkan Madaxweyne Cirro ee dalka Qadar ayaa noqonaya safarkii u horreeyey ee Madaxweyne Somaliland ka socdaa uu dalkaasi ku tago. Dowladda Qadar ayaa xiriir dhow la leh dowladda Soomaaliya, lamana oga sababta haatan kusoo beegtay safarka madaxweynaha Somaliland.

 

WARARKII KALE

Dhageeyso Warka Habeenimo ee Radiojowhar 30/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

RW Xamsa muxuu ka yiri doorashada maanta ka dhacday Waqooyi Bari?

Ra’iisul Wasaaraha Xukuumadda Federaalka Soomaaliya, Xamsa Cabdi Barre, ayaa...

MW Xasan Sheekh oo hambalyo u diray Madaxweynaha iyo ku xigeenkiisa loo doortay Waqooyi Bari

Madaxweynaha dowladda Federaalka Soomaaliya Xasan Sheekh Maxamuud ayaa hambalyo...

70 qof oo tahriibayaal ahaa oo badda ku dhintay

Ugu yaraan 70 qof ayaa ku dhintay badda kadib...

C/rashiid Yuusuf Jibriil oo loo doortay Madaxweyne Ku-xigeenka Waqooyi-Bari Soomaaliya

Doorashada ka socotay magaalada Laascaanood ee xarunta maamulka cusub...

Firdhiye oo loo doortay Madaxweynaha Waqooyi-Bari Soomaaliyav

Cabdiqaadir Axmed Aw-Cali (Firdhiye) ayaa si rasmi ah loogu...

NAGU SOO BIIR

16,000FansLike
523FollowersFollow
352SubscribersSubscribe

Latest Articles