Madaxweyne ku-xigeenka Maamulka Jubbaland Maxamuud Sayid Aadan iyo Masuuliyiin kale oo ka tirsan Jubbaland ayaa maanta gaaray Degmada Beledxaawo ee Gobolka Gedo, waxaa uuna ka yimid magaalada Nairobia ee dalka Kenya.
Masuuliyiin ka tirsan Jubbaland ayaa madaxweyne ku xigeenka ku soo dhaweeyay degmada Beledxaawo, waxaana ka mid ah Wasiirada Wasaaradaha Amniga, Arimaha Gudaha iyo Shaqada iyo Arimaha Bulshada, Xildhibaano heer Federaal iyo heer Dowlad Goboleed, Maamulka Gobolka Gedo iyo kan Degmada Baladxaawo, Taliyaha Ciidamada daraawiishta Jubaland ee Gobolka Gedo iyo Masuuliyiin kale.
Madaxweyne ku xigeenka Jubbaland ayaa magaalada Beledxaawo u tagay siddii uu kulamo siyaasadeed uu halkaasi ugu bilaabi lahaa, waxaa uuna kulamo uu la qaadan doonaa odayaasha dhaqanka, siyaasiyiinta iyo qeybaha kala duwan bulshada ku sugan Magaaladaasi.
Safarka uu Maxamuud Sayid Aadan ku tagay magaalada Beledxaawo ayaa imaanaya xili khilaaf siyaasadeed oo u dhexeeya dowladda Federaalka iyo Maamulka Jubbaland ay ka taagan tahay Magaaladaasi.
Khilaafka ayaa salka ku haya xili maamulka Jubbaland uu diidan yahay in wafdi ka socda dowladda Soomaaliya ay tagaan magaaladaasi.
