Madaxweynaha Mareykanka Donald Trump ayaa warqad u qoray madaxweynaha Eritrea Isayas Afawarqi, sida uu sheegay wasiirka warfaafinta Eritrea Yamane Gabremasaqal.
Sida uu Yamane Gabremasqal ku sheegay qoraal uu soo dhigay bogga X, farriinta Trump ee Madaxweynaha july 30,2025 “Washington waxay doonaysaa inay dib u soo celiso xiriirkii ixtiraamka iyo wax dhisida lahaa ee Asmara”
“Xiriirka ku saleysan runta iyo is ixtiraamka ayaa wanaajin doona fursadaha nabadeed ee bariga Afrika iyo Badda Cas,” ayuu yiri sarkaalka Eritrea.
Sida laga soo xigtay Yemen, Trump wuxuu dib u hagaajin doonaa burburka iyo dhibaatooyinka maamulka Biden uu ku abuuray adduunka.
Intii uu ku sugnaa Aqalka Cad, maamulka Joe Biden waxa uu cunaqabatayn ku soo rogay hay’adaha ammaanka Eritrea iyodhinacyadii ku lugta lahaa dagaalka Tigray.
Dhanka kale, maamulka Donald Trump ayaa xayiraad guud oo dhanka fiisaha ah ku soo rogay Eritrea, oo ay ku jiraan 11 dal oo kale, tan iyo bishii hore, iyagoo ku sababeeyay “walaac dhanka ammaanka ah oo qaranka ah.
Wareysi uu siiyay telefishinka Eritrea 19-kii November, ayuu madaxweyne Isayas ku sheegay in dalkiisa uu doonayo in uu xiriir “saaxiibtinimo” la sameeyo Mareykanka.
Madaxweynaha ayaa sheegay in dadaaladii ugu horeeyay ee lagu wanaajin lahaa xiriirka labada dal ay fashilmeen, islamarkaana shaqada ay sii socon doonto.
Xigasho:- BBC
