Madaxweynaha Dowladda Federaalka Soomaaliya Xasan Sheekh Maxamuud ayaa gaaray magaalada Kampala ee caasimadda dalka Uganda, halkaas oo uu kula kulmi doono Madaxwaynaha Jamhuuriyadda Uganda Yoweri Museveni.
Booqashada shaqo ee uu Madaxwaynaha ku tagay dalka Uganda ayaa ujeeddadeedu tahay sidii loo sii dardargelin lahaa dagaalka lagu cirirbtirayo Khawaarijta, iyada oo labada Madaxwayne ay sidoo kale ka wada-hadli doonaan xoojinta xiriirka laba geesoodka dhinacyada badan taabanaya ee labada dal ka dhexeeya.
Maalin ka hor ayay aheyd markii madaxweyne Xasan Sheekh Maxamuud uu safar kaga soo laabtay magaalada Jabuuti ee dalka Jabuuti, isagoona halkaasi kulamo kula soo qaatay madaxweynaha dalkaasi Ismaciil Cumar Geelle, iyagoona ka wadahadlay xiriirka labada dal iyo qodobada kale, waxaan ka soo wareegatay muddo 48 saac oo keliya.
