Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) ayaa ka tacsiyeeyay geerida Taliyihii Guutadda 14ka-October Gaashaanle Sare Nuur Maxamed Gaabow (Nuur Farey) oo lagu dilay deegaan ku yaala inta u dhaxeysa Degmadda Afgooye iyo deegaanka Laanta-buuro ee Gobolka Shabeellaha Hoose.
Guddoomiyaha Golaha Shacabka ayaa sheegay in Allaha ha u naxriistee taliyaha uu ahaa sarkaal firfircoon oo kaalin mug leh ku lahaa dagaalka dalka looga ciribtirayo Khawaariijta sidoo kalena uu ku suntanaa hogaamin firfircoon ayna ka goโneyd la dagaalanka Khawaariijta.
Guddoomiye Sheekh Aadan Madoobe ayaa Allaha ha u naxriistee Taliyihii Guutadda 14-October Gaashaanle Sare Nuur Maxamed Gaabow (Nuur Farey) alle SWT uga baryay inuu naxriistiisa jano ka waraabiyo, dhamaan ehelkiisa, qaraabadiisa iyo sidoo kale qaranka Soomaaliyeed na uu samir iyo iimaan ka siiyo.
