Madaxweynaha Dowladda Federaalka Soomaaliya, Xasan Sheekh Maxamuud, ayaa markii ugu horreysay si cad u sheegay inuusan aqbalayn in talada la wadaago, isagoo erayga “talada dhexda dhig” ku tilmaamay mid khaldan.
Madaxweyne Xasan Sheekh Maxamuud ayaa wuxuu sheegay in cid kasta ay ra’yi leh ra’yigeeda ay soo jeedin karto, balse go’aanka ugu dambeeya uu isaga u madax-bannaan yahay, inuu ra’yigaas qaato ama uu iska diido.
“Talo dhex la dhigaayo majirto, dalkaan dowlad buu leeyahay. Rayigii fiican waa dhageysanaynaa” MW Xasan Sheekh ayaa si cad u sheegaya in aan la hor istaagi karin damaciisa, Tala ogoleyn, balse keliya rayi’i ogolyahay.
Sidoo kale MW Xasan Sheekh ayaa sheegay in aysan jirin siyaasi ay weerar ku qaadayaan oo gurigiisa Ciidamo la dhigay, balse qofkii Amni darro keena in DF aysan ka aamusayn ayuu hadalkiisa sii raaciyay.
“Cid dagaal lagu qaadayo ama la weerarayo ma lahan, Guri la weeraro ma jiro, colaad ma rabno, talo dhexda la dhigayo ma jirto,siyaasi qori wata ma yeelayno”ayuu yiri Madaxweynaha.
Madaxweyne Xasan Sheekh ayaa ka hadlay eedeynta loo jeediyo ee ah inuu leeyahay dhaqankii kaligii taliska.
“Xasan Sheekh kaligii talis ayuu noqonayaa aniga ma aaminsani, Odayaasha mucaaradka ee leh waana nala soo Weerarayaa.”
Hadalka Madaxweynaha Soomaaliya ayaa ku soo aadaya xilli mucaaradka ay si cad u diideen hanaanka lagu wado doorashada dalka, taasi oo ay sheegeen in halis iyo khal khal siyaasadeed ay gelin karto dalka.
