Masar, Eritrea, Sudan iyo Soomaaliya oo markii ugu horreysay shir madaxeed ku yeelanaya Al-Calamayn

Magaalada Al-Calamayn Al-Jadiid ee dalka Masar ayaa maanta lagu wadaa inuu ka furmo shir madaxeed wadatashi ah oo ay markii ugu horreysay wada yeeshaan hoggaamiyeyaasha Masar, Eritrea, Sudan iyo Soomaaliya.

Shirka waxaa ka qaybgalaya Madaxweynaha Masar Cabdulfataax Al-Sisi, Madaxweynaha Eritrea Isaias Afwerki, Guddoomiyaha Golaha Madaxbannaanida Sudan Cabdulfataax Al-Burhaan, iyo Madaxweynaha Soomaaliya Xasan Sheekh Maxamuud.

Sida lagu sheegay bayaan ka soo baxay Madaxtooyada Masar, hoggaamiyeyaashu waxay ka wada hadli doonaan xaaladda gobolka, gaar ahaan amniga Badda Cas, xaaladda Geeska Afrika iyo colaadda ka taagan Sudan.

Kulankan ayaa kusoo beegmaya xilli gobolka ay ka jiraan xiisado siyaasadeed iyo amni, oo ay ka mid yihiin xiriirka Itoobiya iyo Eritrea, khilaafaadka Itoobiya iyo Masar, iyo xaaladaha amni iyo siyaasadeed ee Soomaaliya iyo Sudan.

Shirka afarta dal ayaa sidoo kale dhacaya xilli Masar ay Al-Calamayn ku martigelinayso Shirka 8-aad ee Isku-duwidda Midowga Afrika ee bartamaha sanadka.

Waxaa xusid mudan in Masar, Eritrea iyo Soomaaliya ay markii ugu dambeysay heer madaxeed ku kulmeen magaalada Asmara bishii Oktoobar 2024, halka Sudan aysan kulankaas uga qaybgelin heer hoggaamineed.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles