Waxaa magaalada Kismaayo ka socda kulamo gaar gaar ah oo u dhexeeya madaxda ku mideysan Golaha Mustaqbalka Soomaaliya.
Shirkan ayaa looga hadlayaa dhameystirka Golaha Mustaqbalka Soomaaliya iyo xal u helida muranka ka taagan doorashooyinka.
Sidoo kale Madaxweyneyaasha Jubbaland iyo Puntland ayaa kulamo gooni gooni ah yeelanaya.
Shirkan ayaa galay maalintii labaad, waxaana la filayaa in kulamada gaar gaarka ah marka ay dhammaadaan dhinacyada ay kulan guud ay yeelan doonaan.
Shirkaan ka furmay Kismaayo ayaa ah mid weyn indhaha ugu wada hayaan dadka Soomaaliyeed iyo dowladaha daneeya ariimaha Soomaaliya, iyadoo si gaar ah loo wada sugayo go’aanada kasoo bixi doona shirkaan.
Dowladda Soomaaliya oo shirkan ka hadashay ayaa sheegtay in xubnaha isugu tagay Kismaayo ay yihiin kuwa ku howlan kala qeybtinta dadka Soomaaliyeed.
