Mucaaradka oo weli ku adkeysanaya in ay Banaanbax ku qabtaan Muqdisho

Magaalada caasimadda ah ee Muqdisho ayaa waxaa si weyn uga socda abaabul lagu diyaarinayo dibadbax ay ku baaqeen siyaasiyiinta Madasha Mucaaradka Qaran oo uu hoggaamiyo Madaxweynihii hore ee Soomaaliya, Sheekh Shariif Sheekh Axmed.

Banaanbaxan ayaa lagu wadaa inuu ka dhaco degmooyin ka tirsan gobolka Banaadir, waxaana mucaaradku sheegeen inuu yahay mid looga soo horjeedo, sida ay hadalka u dhigeen, barakicinta iyo dhul boobka ay dowladda ku heyso shacabka ku dhaqan magaalada Muqdisho.

Dowladda Federaalka Soomaaliya, Maamulka Gobolka Banaadir iyo hay’adaha amniga ayaa si wadajir ah uga soo horjeestay abaabulkaasi, iyagoo ku tilmaamay mid sharci-darro ah isla markaana laga digay cawaaqibka ka dhalan kara haddii la isku dayo in si qasab ah loo qabto.

Xubnaha mucaaradka ayaa sheegay in dibadbaxoodu uu dhici doono berri oo Khamiis ah, isla markaana ay wadaan qabanqaabadii ugu dambeysay. Kulamo iyo qorsheyn siyaasadeed oo lagu sii amba-qaadayo abaabulkaasi ayaa xalay iyo saaka ka socday Muqdisho.

Indhaha siyaasadda dalka ayaa hadda ku jeeda tallaabada ay qaadi doonto dowladda Soomaaliya, haddii mucaaradku isku dayaan inay si toos ah banaanbax uga dhigaan magaalada, xilli xiisad siyaasadeed oo cusub ay u muuqato mid cirka isku shareertay.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles