Magaalada Laascaanood ayaa xalay martigelisay kulan muhiim ah oo ay yeesheen musharrixiinta isbeddel-doonka Woqooyi Bari, kuwaas oo qorsheynaya inay u midoobaan doorashada madaxtooyada ee toddobaadka soo socda ka dhici doonta magaaladaas.
Wararka ayaa sheegaya in 8 musharrax oo magaalada ku sugan ay ka wadaan olole siyaasadeed oo xooggan, iyagoo ku loolamaya kursiga madaxtinimada maamulka Woqooyi Bari ee Soomaaliya.
Kulanka oo ka dhacay hoyga Siyaasi Axmed Karaash, ayaa lagu tilmaamay mid lagu dhisayo is-afgarad iyo istiraatiijiyad mideysan, si musharrixiinta isbeddel-doonka ay codkooda ugu mideeyaan hal musharrax oo leh fursad adag.
Dhinaca kale, Loolan siyaasadeed oo kulul ayaa ka socda magaalada Laascaanood, iyadoo siyaasiyiinta iyo hoggaamiyaha maamulka Firdhiye, ay si buuxda ugu hawlan yihiin sidii ay u xoojin lahaayeen taageerayaashooda.
Waxaa maanta magaalada Laascaanood si rasmi ah uga bilaaban doonto diiwaangelinta musharrixiinta u taagan xilka madaxweynaha maamulka Woqooyi Bari, halka doorashadu qorshaysan tahay inay dhacdo 30-ka bishan.
