Koox Burcad Koonfur Afrikan ah oo hubeysnaa ayaa waxaa ay xalay xaafada ay Soomaalida degan tahay ee magaalada Johannesburg ku dileen Muwaadin Soomaaliyeed oo kamid ahaa Dhalinyarada ka Shaqeysata dalkaas.
Alle ha u naxariistee muwadinta Soomaaliyeed ee la dilay ayaa waxaa lagu Magacaabi jiray Maxamuud Cabdiraxmaan Siyaad.
Muwaadinkan ayaa lagu dilay banaanka dukaan uu ka Shaqeeysanayay oo ku yaala dalka Koofur Afrika.
Ciidamo ka tirsan Booliiska Magaalada Johannesburg oo gaaray goobta uu dilka ka dhacay ayaa sheegay in ay baarayaan dhacdada iyo burcadii ka dambeeysay, kuwaas oo halkaasi ka sameeyay howlgallo xoogan.
Maalmihii ugu dambeeyay ayaa waxaa dalka koofur afrika lagu dilay muwaadiniin Soomaaliyeed, tani ayaa waxaa ay ka dhigan tahay in ay sii kordhayaan dilalka loo geysto ganacsatada Soomaaliyeed.
Ganacsatada Soomaalida ah ee ku nool dalka Koofur Afrika ayaa dhibaatooyin badan waxaa ay kala kulmaan kooxaha burcad ah.
Dalka Koofur Afrika ayaa waxaa sanad walba si joogta ah uga dhaca, dilka, dhaawaca iyo Boobka lagu haayo Soomaalida, waxaana jirin ilaa iyo hadda cid xil iska saartay waxka qabashada falalkaas.
