Madaxweynaha Soomaaliya, Xasan Sheekh Maxamuud, ayaa maanta gaaray deegaanka Haawaay ee gobolka Shabeellaha Dhexe, isagoo hoggaaminaya wafdi ballaaran oo ka socda dowladda federaalka.
Madaxweynaha waxaa halkaasi ku soo dhaweeyay Madaxweynaha Dowlad-goboleedka Hirshabeelle, Cali Guudlaawe Xuseen, iyo mas’uuliyiin kale.
Safarkan ayaa ah mid mashaariic horumarineed oo waaweyn oo laga hirgelinayo deegaanka Haawaay, kuwaas oo ka mid yihiin, Garoon Diyaaradeed oo Caalami ah, Dekad Cusub, iyo Xarunta Dayax-gacmeedka kaas oo lagu wado inuu xoojiyo isku socodka gobolka iyo dalka intiisa kale.
Madaxweyne Xasan Sheekh ayaa kormeeray goobta laga dhisayo garoonka iyo dekada, isagoona warbixin ka dhageysan shirkada dhismaha ka wada deegaanka Haawaay ee Gobolka Shabeelada Dhexe.
Wixii ku soo kordha la soco.
