Sunday, August 31, 2025

Qarax ka dhacay muqdisho

Faahfaahino dheeraad ah ayaa kasoo baxaya qarax xoogan oo goordhaw ka dhacay magaalada Muqdisho, gaar ahaan degmada Xamarjajab. Qaraxan oo jugtiisa si weyn looga maqlay degmooyin badan oo ka tirsan caasimadda ayaa sababay burbur xooggan iyo cabsi baahsan oo soo wajahday shacabka.

Sida wararku sheegayaan, qaraxa ayaa ahaa miino dhulka lagu aasay, waxaana uu ka dhacay meel aan ka fogeyn isgooyska Ceelgaabta, oo ah waddada laga galo Madaxtooyada Soomaaliya. Goobjoogayaal ayaa sheegaya in qaraxa uu sababay burbur dhisme dabaq ah oo ku yiillay goobta, taasoo muujineysa in qaraxa uu ahaa mid si weyn loo qorsheeyay.

Goobta uu qaraxu ka dhacay ayaa waxaa durba gaaray ciidamada ammaanka oo bilaabay howlgallo baaritaan ah. Ciidamada ayaa xiray waddada, iyagoo ka hortagaya inay waxyeello kale dhacdo. Xaaladda goobta ayaa weli ah mid kacsan, waxaana la arkayaa ciidamo farabadan oo ku sugan halkaasi.

Wararka hordhaca ah ayaa sheegaya in qaraxu uu haleelay waddada uu mari lahaa madaxweynaha Soomaaliya, Xasan Sheekh Maxamuud. Sida la sheegay, qaraxu wuxuu dhacay daqiiqado kahor inta aysan gaadiidkii galbinayay madaxweynaha soo gaarin goobta. Lama oga haddii qaraxan uu la xiriiray isku day dil ama qorshe kale oo liddi ku ah ammaanka.

Markii qaraxu dhacay, waxaa durba la xiray waddada isku xirta Ceelgaabta iyo Madaxtooyada, taasoo sababtay hakad ku yimid isu socodkii magaalada. Dadkii goobta ku sugnaa ayaa kala cararay, iyagoo ka baqaya in qarax kale dhaco. Goobjoogayaal ayaa sheegaya in dhismaha qaraxu burburiyay uu ahaa mid ganacsi, balse ilaa iyo hadda lama oga khasaaraha rasmiga ah ee dhimasho iyo dhaawac.

Mas’uuliyiinta ammaanka ayaa la filayaa inay saacadaha soo socda warbaahinta la hadlaan, iyagoo faahfaahin ka bixin doona khasaaraha iyo cidda ka dambeysay qaraxan.

WARARKII KALE

Dhageeyso Warka Habeenimo ee Radiojowhar 31/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

Guddoomiye Muungaab oo 48-saac u qabtay inay ku dhammayso shirkada dhisaysa wadada Soobe ee Magaalada Muqdisho.

Guddoomiyaha Maamulka Gobolka Banaadir ahna Duqa Muqdisho, Dr. Xasan...

Maxkamadda Ciidamada oo Xukun Dil ah ku Riday Ex Dable NISA Maxamed Buulle Muumin

Maxkamadda Darajada Koowaad ee Ciidamada Qalabka Sida ayaa maanta...

Madasha Samatabixinta: “Doorashada uu Xasan Sheekh ka wado Banaadir waa sharci darro halis leh”

Warsaxaafadeed ka soo baxay madasha Samatabixinta Soomaaliyeed ayaa waxaa...

DFS oo ku dhawaaqday in la dhameystiray dhismaha DG Waqooyi Bari

Warsaxaafadeed ka soo baxay wasaarada arrimaha gudaha ee Xukuumadda...

Xeer Ilaaliyaha Guud ee Qaranka oo digniin kasoo saaray dadka aflagaadada iyo sucad dilka kawada baraha bulshada

Xafiiska Xeer Ilaaliyaha Guud ee Qaranka ayaa sheegay inuu...

NAGU SOO BIIR

16,000FansLike
523FollowersFollow
352SubscribersSubscribe

Latest Articles