Saturday, August 30, 2025

R/W hore ee Soomaaliya C/weli Gaas oo loo magacaabay Ergeyga Midowga Afrika ee Koofurta Suudaan

Ra’iisul Wasaarihii hore ee Soomaaliya, islamarkaana soo noqday Madaxweynihii hore ee Puntland, Dr. Cabdiweli Maxamed Cali Gaas, ayaa loo magacaabay inuu noqdo Wakiilka Gaarka ah ee Ururka Midowga Afrika u qaabilsan dalka Koonfurta Suudaan.

Magacaabistan oo lagu shaaciyay warqad rasmi ah oo uu saxiixay Guddoomiyaha Guddiga Midowga Afrika, Mahmoud Ali Youssouf, ayaa lagu xusay in magacaabistu tahay mid lagu muujinayo kalsoonida lagu qabo khibradda, hoggaaminta, iyo kartida diblumaasiyadeed ee Dr. Cabdiweli Gaas.

Guddoomiyaha ayaa qoraalkiisa ku yiri:
“Aniga oo ku hadlaya magaca Guddiga Midowga Afrika iyo magacaygaba, waxaan kuu rajeynayaa guul iyo horumar howlaha cusub ee lagu aaminay, anigoo kuu muujinaya taageeradayda buuxda.”

Dr. Cabdiweli Gaas ayaa horey u soo noqday Ra’iisul Wasaaraha Soomaaliya sanadihii 2011–2012, waxaana kadib uu hoggaamiyay maamulka Puntland muddo shan sano ah (2014–2019), isagoo intaasi lagu xusuusto dadaallo diblumaasiyadeed iyo kobcin dhanka maamulka ah.

Magacaabistiisa ayaa timid xilli Koonfurta Suudaan ay weli wajahdo xaalado siyaasadeed oo cakiran  iyo baahi loo qabo dhexdhexaadin iyo xasillooni siyaasadeed oo joogto ah.

Doorarka wakiilka Midowga Afrika waxaa ka mid ah fududeynta wada hadallada, korjoogteynta heshiisyada nabadeed iyo dhisidda xiriir qaran oo xooggan.

Waxaa la filayaa in Dr. Cabdiweli uu dhowaan si rasmi ah u bilaabo shaqadiisa cusub ee uu ku matalayo Midowga Afrika gudaha Suudaanta Koonfureed.

WARARKII KALE

Dhageeyso Warka Habeenimo ee Radiojowhar 30/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

RW Xamsa muxuu ka yiri doorashada maanta ka dhacday Waqooyi Bari?

Ra’iisul Wasaaraha Xukuumadda Federaalka Soomaaliya, Xamsa Cabdi Barre, ayaa...

MW Xasan Sheekh oo hambalyo u diray Madaxweynaha iyo ku xigeenkiisa loo doortay Waqooyi Bari

Madaxweynaha dowladda Federaalka Soomaaliya Xasan Sheekh Maxamuud ayaa hambalyo...

70 qof oo tahriibayaal ahaa oo badda ku dhintay

Ugu yaraan 70 qof ayaa ku dhintay badda kadib...

C/rashiid Yuusuf Jibriil oo loo doortay Madaxweyne Ku-xigeenka Waqooyi-Bari Soomaaliya

Doorashada ka socotay magaalada Laascaanood ee xarunta maamulka cusub...

Firdhiye oo loo doortay Madaxweynaha Waqooyi-Bari Soomaaliyav

Cabdiqaadir Axmed Aw-Cali (Firdhiye) ayaa si rasmi ah loogu...

NAGU SOO BIIR

16,000FansLike
523FollowersFollow
352SubscribersSubscribe

Latest Articles