Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa maanta sameeyay isbeddel kooban ku sameeyay golaha Wasiirrada Xukuumadda Danqaran.
Ra’iisul Wasaaraha ayaa Danjire Jamaal Maxamed Xasan u magacaabay Wasiirka Wasaaradda Ganacsiga iyo Warshadaha, halka Xil. Ayuub Ismaaciil Yuusuf loo magacaabay Wasiirka Wasaaradda Howlaha Guud, Dib-u-dhiska iyo Guriyeynta ee Xukuumadda Federaalka Soomaaliya.
Isbeddelkan ayaa waxaa warbaahinta u xaqiijiyay Afhayeenka Xukuumadda Federaalka Soomaaliya, oo sheegay in magacaabistu ay dhaqan gashay, isla markaana ay qeyb ka tahay dadaallada lagu dardargelinayo waxqabadka hay’adaha dowladda.
Ra’iisul Wasaaraha XJFS ayaa labada Wasiir ee cusub kula dardaarmay inay si hufan u gutaan waajibaadka qaran ee loo igmaday, isagoo xusay muhiimadda ay leedahay in la dardargeliyo adeegyada ay wasaaradahoodu u hayaan shacabka Soomaaliyeed.
