Madaxweynaha dowladda Puntland Siciid Cabdullaahi Deni ayaa xalay jeediyey khudbad xasaasi ah oo uu kaga hadlay sanad guurada 27aad ee aasaaskii Puntland, arrimaha siyaasadda Soomaaliya, dagaalka ka dhanka ah argagixisada iyo qodobo kale.
Ugu horrayn Madaxweynaha Puntland ayaa shacabka reer Puntland uga hambalyeeyey xuska 1da Agoos oo sanadkaan ku soo aaddey xilli ay Puntland dagaal kula jirto kooxaha nabaddiidka ah ee Daacish iyo Alshabaab.
Madaxweyne Deni ayaa intaas kadib ku dheeraaday dagaalka lagu ciribtirayo kooxaha xag jirka ah, isagoo nasiib darro iyo foolxumo ku tilmaamay in dowladdii Soomaaliyeed ay abuurayso xaalado colaadeed xilli ay kooxaha xagjirku dhibaato ku hayaan bulshada Soomaaliyeed.
Dhanka kalena, Madaxweynaha Puntland ayaa shacabka ugu yeeray inay ka qayb qaataan horumarka Puntland, adkaynta amniga iyo midnimadeeda, isagoo sheegay in loo baahan yahay in laysku tashto isla markaana ay la soo baxaan khayraadka dihin ee deegaamadooda
