Safaaradda Talyaaniga ee Tehran ayaa joojisay adeegyada qunsuliyadeed. Safaaradda Talyaaniga ee Tehran waxay ku dhawaaqday in ay joojisay dhammaan howlaha xafiiskeeda qunsuliyadeed ilaa ogeysiis dambe.
Sida ku cad qoraal la soo saaray, adeegyada muhiimka ah, degdegga ah, ee aan dib loo dhigi karin kaliya ayaa loo qaban doonaa muwaadiniinta Talyaaniga.
Waxaa sidoo kale la sheegay in ballamadii hore ee macaamiisha la joojiyay loona qorsheyn doono mar kale haddii xaaladdu ogolaato.
Ka dib bilowgii rabshadaha dhawaan ka dhacay Iran, safaarado kala duwan oo ay ugu badanyihiin kuwa reer Yurub ee ku yaalla dalkaasi ayaa xaddiday ama hakiyay howlaha ay qaban jireen.
