Madaxweynihii hore ee Soomaaliya Sheekh Shariif Sheekh Axmed ayaa dalka Azerbaijan kaga qeybgalay shir caalami ah oo dirradda lagu saaray arrimaha amniga, siyaasadda, dhaqaalaha iyo ilaalinta Xeerarka lagu heshiiyay ee nidaamka dowladnimada.
โIntii ay socdeen doodaha laga jeediyey madashaan caalamiga ah ayaa waxaan si gaar ah uga hadlay caqabadaha siyaasadeed iyo amni ee ka jira dalkeenna iyo dhibaatooyinka kooxaha argagixisada ah wali ku hayaan nidaamka dowliga ahโ ayuu yiri MW Shariif oo qoraal soo dhigay bartiisa Facebook.
โWaxaan kaloo diirrada saaray sida ay muhiim u tahay in xasillooni iyo nabad waarta la heli karo oo kaliya marka dowladuhu ay ixtiraamaan dastuuradooda islamarkaana xoojiyaan ku dhaqanka sharciga, una hoggaansamaan muddo xileedkoodaโ ayuu hadalkiisa sii raaciyay MW Shariif.
Sidoo kale Shariif Sheekh Axmed ayaa kulamo kala duwan la yeeshay madaxdii ka qaybgashay Madashaan caalamiga ah waxaana kamid ahaa Madaxwaynaha Aserbajaan Mudane Ilham Aliyev.
