Wasaaradda Arrimaha Dibadda ee Shiinaha ayaa “wax laga shalaayo” ku tilmaantay weerarrada cirka ee Hindiya ay ka fulisay gudaha Pakistan iyo Kashmir-ta ay Pakistan maamusho .
Wasaaradda oo dhanka kale wax laga weydiiyay xiisadda sii kordheysa ee u dhaxeysa Hindiya iyo Pakistan, ayaa afhayeenka wasaaradda sheegay inay “ka welwelsan yihiin” xaaladda haatan ka jirta labada dal.
“Hindiya iyo Pakistan waa deris weligoodna deris ayay ahaan doonaan. Waxayna sidoo kale labaduba deris la yihiin Shiinaha. Shiinuhu wuxuu ka soo horjeedaa dhammaan noocyada argagixisada.” Ayay intaa ku dartay wasaaradda.
Afhayeenka wasaaradda ayaa ugu baaqay labada dal inay “xaaladda dejiyaan, samirna muujiyaan, isla markaana kana fogaadaan tallaabooyin kale oo sii carqaladeyn kara xaaladda.”
Subaxnimadii Arbacada maanta, taliyaha milatariga Hindiya, Colonel Sophia Qureshi ayaa shir jaraa’id ku sheegtay, in ciidamada qalabka sida ee Hindiya ay xalay bilaabeen hawlgalka ay ugu magac dareen ‘Sindoor’
