Guddoomiye Ku-xigeenka 1-aad ee Gobolka Banaadir, Ciise Maxamuud Guure, ayaa shir guddoomiyay kulan looga hadlay tayada iyo horumarinta biyaha sifeysan, kaas oo lagu qabtay xarunta Gobolka Banaadir.
Kulanka waxaa ka qeyb galay mas’uuliyiin ka socotay warshadaha biyaha sifeysan ee ka howlgala Muqdisho iyo masuuliyiinta Sheybaarka Gobolka Banaadir.
Mas’uuliyiinta sheybaarka ayaa soo bandhigay qorshe lagu xoojinayo hubinta tayada biyaha, iyagoo adkeeyay muhiimadda iskaashiga si bulshada Muqdisho u hesho biyo nadiif ah.
Dhankooda, mas’uuliyiinta warshadaha ayaa ayaa maamulka Gobolka Banaadir ku amaanay samaynta xarunta Shaybaarka oo ay sheegayn inay hayso shaqo hufan.
Gebagebadii, Guddoomiye Ku-xigeenka 1-aad ee Gobolka Banaadir ayaa ku ammaanay Sheybaarka Gobolka Banaadir iyo warshadaha biyaha sifeysan dadaalka ay ugu jiraan sidii shacabka Muqdisho u heli lahaayeen biyo nadiif ah, isagoo carrabka ku adkeeyay muhiimadda wada shaqeynta labada dhinac.
