Madaxweynaha Dowlad Goboleedka Jubaland, Mudane Axmed Maxamed Islaam (Axmed Madoobe), ayaa maanta shir guddoomiyay fadhiga toddobaadlaha ah ee Golaha Wasiirrada Jubaland, kaas oo ka qabsoomay magaalada Kismaayo.
Shirka ayaa si gaar ah diiradda loogu saaray xaaladda guud ee gobolka Gedo iyo duullaanka ay Jubaland ku tilmaamtay mid “qaawan” oo uu Taliska Dowladda Federaalka Soomaaliya, gaar ahaan Madaxweyne Xasan Sheekh Maxamuud, ka wado qaybo kamid ah deegaannada maamulka Jubaland.
Madaxweynaha ayaa golaha uga warbixiyay xaalada amni, dhaqaale iyo siyaasadeed ee gobolka, isaga oo ku eedeeyay dowladda dhexe inay wiiqayso nidaamka Federaalka ayna si toos ah u faragelinayso arrimaha gudaha ee Jubaland.
Dhanka kale, Golaha Wasiirrada Jubaland waxay si rasmi ah u meelmariyeen xeer cusub oo la xiriira Gaadiidka iyo Duulista Hawada, kaasi oo ay soo diyaarisay Wasaaradda Gaadiidka iyo Duulista Hawada Jubaland.
