Madaxweynaha Mareykanka Trump, ayaa qorsheynaya inuu ku dhawaaqo xabbad-joojinta dagaalka Ukraine , marka la gaaro 30 bishan April , markaa oo uu doonayo inuu sheegto boqolkiisii maalin ee u horreysay xafiiska inuu ku guuleystay joojinta dagaalka saddexda sanno socda, sida ay warisay Financial Times .
Warbixinta ayaa sheegaysa in Trump uu doonayo in tallaabadan uu ku muujiyo awooddiisa diblomaasiyadeed, isla markaana uu ku xoojiyo ololihiisa doorasho ee soo socda, isagoo ku andacoonaya inuu boqolkiisii maalin ee ugu horreysay xafiiska ku guuleysan karo joojinta dagaalka Ukraine ee socday muddo ku dhow saddex sano.
Ilaa hadda ma cadda sida ay Kyiv iyo Moscow uga falcelin doonaan qorshahan, hase yeeshee arrintan ayaa si weyn isha loogu hayaa iyadoo ay sii kordhayaan baaqyada caalamiga ah ee ku aaddan in la joojiyo colaadda sababsatay kumannaan naf iyo malaayiin barakacayaal ah.
