Saturday, August 30, 2025

Wasiir Fiqi oo ka qeyb galay shirka Wasiirrada Gaashaandhigga dalalka ciidanka heeganka Afrikada Bari ee ka socda Muqdisho

Waxaa maanta si rasmi ah uga furmay magaalada Muqdisho Shirka 34-aad ee Wasiirrada Gaashaandhigga dalalka xubnaha ka ah Ciidanka Heeganka Afrikada Bari (Eastern Africa Standby Force – EASF), iyadoo ay kasoo qeyb galeen wasiirro, saraakiil ciidan iyo wakiillo ka socday dalalka xubnaha ka ah ururkan.

Shirka ayaa waxaa furay Wasiirka Gaashaandhigga Xukuumadda Federaalka Soomaaliya Mudane Axmed Macallin Fiqi, kaas oo sheegay in Soomaaliya ay ku rajo weyn tahay in la hirgeliyo himilooyinkii loo aas-aasay EASF, isagoo xusay doorka muhiimka ah ee ay dalalka gobolka ku leeyihiin adkeynta amniga iyo xasilloonida gobolka, gaar ahaan dagaalka ka dhanka ah argagixisada.

“Shirkan wuxuu ku soo beegmay xilli xasaasi ah oo gobolkan uu wajahayo caqabado badan iyo khataro amni oo halis ku ah nabadda iyo xasilloonida. Waxaan ku boorrinayaa in iskaashi buuxa laga yeesho sidii looga hortagi lahaa dhibaatooyinkaasi,” ayuu yiri Wasiir Fiqi.

Wasiirka ayaa sidoo kale si gaar ah u xusay taageerada ay dalalka xubnaha ka ah EASF u muujiyeen Soomaaliya, isagoo uga mahadceliyay dadaalkooda ku aaddan la dagaalanka kooxaha xagjirka ah iyo taageerada amni ee ay siiyaan dowladda Soomaaliya.

Wasiirka Gaashaandhigga Axmed Macallin Fiqi ayaa ka gaabsaday in uu ka hadlo arrinta markabkii hubka siday ay qabatay Puntland, taas oo dhalisay su’aalo badan oo ku saabsan xiriirka dowladda federaalka iyo dowlad-goboleedyada.

Shirka ayaa la filayaa in la soo gaba-gabeeyo, iyadoo laga soo saari doono war-murtiyeed rasmi ah oo lagu xoojinayo iskaashiga amni ee gobolka.

WARARKII KALE

Dhageeyso Warka Habeenimo ee Radiojowhar 30/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

RW Xamsa muxuu ka yiri doorashada maanta ka dhacday Waqooyi Bari?

Ra’iisul Wasaaraha Xukuumadda Federaalka Soomaaliya, Xamsa Cabdi Barre, ayaa...

MW Xasan Sheekh oo hambalyo u diray Madaxweynaha iyo ku xigeenkiisa loo doortay Waqooyi Bari

Madaxweynaha dowladda Federaalka Soomaaliya Xasan Sheekh Maxamuud ayaa hambalyo...

70 qof oo tahriibayaal ahaa oo badda ku dhintay

Ugu yaraan 70 qof ayaa ku dhintay badda kadib...

C/rashiid Yuusuf Jibriil oo loo doortay Madaxweyne Ku-xigeenka Waqooyi-Bari Soomaaliya

Doorashada ka socotay magaalada Laascaanood ee xarunta maamulka cusub...

Firdhiye oo loo doortay Madaxweynaha Waqooyi-Bari Soomaaliyav

Cabdiqaadir Axmed Aw-Cali (Firdhiye) ayaa si rasmi ah loogu...

NAGU SOO BIIR

16,000FansLike
523FollowersFollow
352SubscribersSubscribe

Latest Articles