Waxaa magaalada Muqdisho ku geeriyooday Maxamuud Cabdinuur Beerxaani oo ahaa wasiir ku-xigeenka Degaanka iyo isbedelka cimilada Jubbaland oo mudooyinkii udambeeyay ku jiray Isbitaal ku yaala Magaalada Muqdisho ee Caasimada Soomaaliya halkaas oo ugu dambeyntii uu Maanta ku geeriyooday.
Madaxweyne ku xigeenka Jubbaland Maxamuud Sayid Aadan ayaa ka tacsiyadeeyay geerida marxuumka. geerida Marxuumka, wuxuuna sheegay inuu door muhiim ah ka soo qaatay dhismaha dowladnimada Jubbaland.
Qoraalka Madaxweyne ku xigeenka Jubbaland ayaa u qornaa sidan:-
Madaxweyne ku-xigeenka 1-aad ee dowladda Jubbaland mudane maxamuud sayid aadan, ayaa ka tacsiyeeyay geerida allaha u naxariistee marxuum maxamuud cabdinuur beerxaani oo ahaa wasiir ku-xigeenka wasaaradda deegaanka iyo isbedelka cimilada dowladda Jubbaland oo maanta ku geeriyooday magaalada muqdisho.
Madaxweyne ku-xigeenka ayaa xusay in marxuumka uu door muhiim ah ka soo qaatay dhismaha dowladnimada Jubbaland, isagoo muddadii uu ka tirsanaa golaha wasiirrada qabtay shaqooyin qiimo leh oo muhiim u ahaa dowlad-dhiska Jubbaland.
Madaxweyne ku-xigeenka ayaa tacsi u diray ehelkii, qaraabadii, asxaabtii iyo dadka reer Jubbaland ee uu ka baxay marxuum maxamuud cabdinuur beerxaani, isaga oo alle uga baryay in uu naxariistii janno ka waraabiyo, samir iyo iimaan ka siiyo dhammaan ehelkiisa iyo guud ahaan shacabka Jubbaland.
