Wasiirka Batroolka iyo Macdanta XFS iyo wafdi uu hoggaaminayo oo gaaray Baladweyne

Wafdi uu hoggaaminayo Wasiirka Wasaaradda Batroolka iyo Macdanta Xukuumadda Federaalka Soomaaliya Daahir Shire Maxamed ayaa gaaray magaalada Beledweyne ee xarunta Gobolka Hiiraan, halkaas oo si weyn loogu soo dhoweeyay.
Mas’uuliyiin ka tirsan maamulka gobolka Hiiraan, kan Baladweyne iyo Bulshada qeybaheeda kala duwan ayaa garoonka diyaaradaha Ugaas Khaliif ku soo dhoweeyay wafdiga wasiirka, kuwaas oo soo dhoweyn ka dib loo galbiyay xarunta madaxtooyada gobolka.
Waa safarkii ugu horeeyay uu wasiirka wasaaradda Batroolka iyo Macdanta xukuumadda federaalka uu ku tego magaalada Baladweyne tan iyo markii xilkan loo magacaabay.