Darwin Núñez, weeraryahanka reer Uruguay ee Liverpool, ayaa laga yaabaa inuu ku jiro maalmihiisii ugu dambeeyay Anfield.
Wararkii ugu dambeeyay ayaa sheegaya in kooxda reer England ay diyaar u tahay inay dhageysato dalabka u imaanaya weeraryahanka.
AC Milan ayaa u muuqata mid ka mid ah kooxaha doonaya inay helaan xiddiga weerarka ka ciyaara ee reer Uruguay suuqa jilaalka.
Kooxda Talyaaniga ayaa ka fiirsaneysa heshiis amaah ah oo ay kujirto sharuud iibsasho in ay ku qaataan xiddiga Darwin Núñez.
Imaanshiyaha Núñez ee Liverpool ayaa hoos u dhac ku keentay qaab ciyaareedkiisii wacnaa ee Benfica. La qabsi la’aantiisa kubada cagta Ingariiska ayaa soo dedejin karta inuu u dhaqaaqo Talyaaniga.
Slot ayaa inta badan Darwin Núñez u adeegsada kursiga keydka Liverpool, waxaana macquul ah in ay iska fasaxdo kooxda inta lagu jiro suuqa jilaalka.
