Maxaa ka socda garoonka diyaaradaha Aadan Cadde ee Muqdisho

Xaalad kacsan ayaa ka taagan garoonka diyaaradaha caalamiga ah ee Aadan Cadde ee magaalada Muqdisho, kadib markii shirkadda Turkiga ah ee Favori LLC ay shaqada ka joojisay boqolaal shaqaale Soomaaliyeed ah oo ka howlgelayay garoonka, sida ay sheegeen Goobjoogayaal.

Go’aankan ayaa sababay in shaqaalihii la eryay ay sameeyaan mudaharaad ballaaran gudaha garoonka, iyagoo ku eedeeyay maamulka shirkadda inay si “nasiib darro iyo takoor ah” u ceyrisay shaqaalaha Soomaaliyeed, halka ay shaqaalihii beddelay ka keentay dalal shisheeye.

Wararka ahaaa sheegaya in qaar kamid ah shaqaalaha cusub ee lagu beddelayo Soomaalida ay yihiin ajanib laga keenay Turkiga iyo dalal kale, taasoo sii hurisay caro iyo gadood ka dhex aloosmay shaqaalaha la ceyriyay.

Sidoo kale waxaa la filayaa in mas’uuliyiin katirsan dowladda Federaalka Soomaaliya ay tagaan garoonka si ay ula hadlaan labada dhinac oo xaaladdu ay u muuqato mid kasii dareyneysa.

Qaar ka mid ah shaqaalaha garoonka ayaa sheegay in hawlihii duulimaadyada qaarkood ay hakad galeen, kadib markii qaar kamid ah shaqaalaha muhiimka ah ay joojiyeen shaqooyinkii ay hayeen.

Tallaabadan ayaa imaneysa iyadoo muddooyinkii dambe la hadal-hayay khilaaf soo jireen ah oo u dhexeeyay shaqaalaha maxalliga ah iyo maamulka shirkadda Favori, kaas oo ku saabsan mushaarka, xuquuqda shaqaalaha iyo go’aano lagu sheegay kuwo cadaalad darro ah.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles