Kenya oo ku guuleysatay kursigii uu baneeyay Garsooraha Soomaaliyeed Cabdulqawi

Dowaldda Kenya ayaa ku guuleysatay loollan adag oo afar wareeg qaatay, kaas oo lagu tartamayey kursiga ka banaanaa Maxkamadda Caddaaladda Adduunka (ICJ), kadib markii uu xilka ka tagay Garsooraha Soomaaliyeed, Cabdulqawi Axmed Yuusuf.

Booskaas muhiimka ah waxaa buuxin doonta Garsoore haweenay ah oo lagu magacaabo Prof. Phoebe Nyawade Okowa, taas oo noqoneysa haweeneydii ugu horreysay ee Kenyan ah ee ka mid noqota garsoorayaasha ICJ ee xarunteedu tahay magaalada The Hague, Netherlands.

Doorashadan oo ka dhacday Golaha Guud ee Qaramada Midoobay (UNGA) iyo Golaha Ammaanka (UNSC) ayaa ku dhamaatay afar wareeg oo adag. Kenya ayaa ku guuleysatay 106 cod, halka Sierra Leone, oo si weyn ugu tartantay kursigan, ay heshay 79 cod.

Dalalka Sierra Leone, Nigeria, iyo Ghana ayaa sidoo kale ka mid ahaa kuwa u tartamayay jagadan, balse Kenya ayaa ugu dambeyntii ku adkaatay kadib olole diblumaasiyadeed oo xooggan oo ay waday dhowr bilood.

Kenya ayaa la sheegay in kursigan dadaal badan gelisay sidii ay u heli lahayd kursigan, gaar ahaan kadib markii ay lumisay dacwadii badda ee Soomaaliya ka gudbisay ICJ sanadkii 2021. Guushan ayaa loo arkaa isku day Kenya ay ku doonayso inay dib ugu soo ceshato saameynteedii garsoorka iyo sharciga caalamiga ah.

Si kastaba ha ahaatee, xeeldheerayaasha arrimaha diblumaasiyadda iyo sharciga caalamiga ah ayaa tilmaamay in inkasta oo guusha Kenya ay tahay mid taariikhi ah, haddana ay jiraan su’aalo ku saabsan ujeeddooyinka dhabta ah ee Nairobi ka leedahay safarkeeda cusub ee ICJ, iyadoo qaar ay rumeysan yihiin in ay u aragto fursad siyaasadeed iyo mid sumcad diblumaasiyadeed.

Prof. Phoebe Okowa, oo ah khabiir sare oo sharciga caalamiga ah, ayaa horey u ahayd xubin ka tirsan Guddiga Sharciga Caalamiga ah ee Qaramada Midoobay (ILC). Waxay qalin-jabisay Jaamacadda Oxford, halkaas oo ay ku dhameysatay D.Phil sanadkii 1994, iyadoo lagu ammaano aqooneeda iyo khibraddeeda ballaaran ee dhinacyada sharciga caalamiga ah iyo xiriirka dawlada.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles