DFS oo qaaday talaabo lagu xalinayo colaadda ka taagan degmada Wanla-weyn

Dowladda Federaalka Soomaaliya ayaa qaaday tallaabo muhiim ah oo lagu xallinayo colaadda iyo iskahorimaadyada u dhexeeya beelaha walaalaha ah ee ku dagaalamay deegaanka Wanla-weyn ee gobolka Shabeellaha Hoose.

Wasiirka Wasaaradda Arrimaha Gudaha, Federaalka iyo Dib-u-Heshiisiinta, Mudane Cali Yuusuf Cali (Cali Xoosh), ayaa Muqdisho ka bilaabay kulamo muhiim ah oo lagu doonayo in lagu soo afjaro dagaal beeleedyada iyo aanooyinka qabiilka ee sababay khasaare nafeed iyo mid hantiyeed.

Kulanka ayaa waxaa ka qeyb galay Wasiiru-dowlaha Wasaaradda, Marwo Saadaad Caliyow, iyo Agaasimaha Guud ee Wasaaradda, Mudane Caydaruus Macallin Xasan, iyadoo uu Wasiirku la yeeshay wada-tashi odayaasha dhaqanka, siyaasiyiinta iyo waxgaradka beelaha Gaaljecel iyo 5-ta Caleemood, kuwaas oo colaaddu u dhaxeysay maalmahii la soo dhaafay.

Inta lagu guda jiray kulanka, Wasiir Cali Xoosh ayaa labada dhinac kala hadlay muhiimadda ay leedahay in la joojiyo colaadda iyo in la dhiso kalsooni, nabad iyo dib-u-heshiisiin waarta. Wuxuu ku adkeeyay in khasaaraha iyo gumaadka dhacay uu yahay mid aad looga xumaado, isla markaana aan lagu gaari karin xal midnimo iyo horumar keena.

“Qiime weyn ayay Diinta Islaamka iyo dhaqanka Soomaaliyeed siiyeen ilaalinta nafta, hantida iyo sharafta qofka. Waa waajib in aan dhiirrigelino nabadda, walaaltinimada iyo wada noolaanshaha,” ayuu yiri Wasiirka Arrimaha Gudaha Mudane Cali Yuusuf Cali Xoosh.

Wasiirka ayaa ugu baaqay odayaasha dhaqanka, siyaasiyiinta iyo dhammaan bulshada deegaanka in ay si dhab ah uga qeyb qaataan dadaallada nabadeed, isagoo xusay in Wasaaradda Arrimaha Gudaha ay ka go’an tahay in ay door hoggaamineed ka qaadato dhammeystirka nabadda iyo dib-u-heshiisiinta beelaha walaalaha ah ee gobolka Shabeellaha Hoose.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles