Hogaamiyaha Jarmalka Friedrich Merz ayaa ka digay shir weyn oo amni in nidaamkii caalamiga ahaa ee ku dhisnaa xeerarka “uusan hadda jirin.”
Isagoo furayay shirka amniga ee Munich, Merz wuxuu u sheegay hoggaamiyeyaasha adduunka in “xorriyaddeennu aysan dammaanad ahayn” xilli ay awoodaha waaweyn si toos ah u tartamayaan, wuxuuna sheegay in rreer Yurub ay tahay inay diyaar u noqdaan “naf-hurnnimo.”
Hogaamiyaha Jarmalka ayaa sidoo kale qiray inuu jiro “kala qaybsanaan qoto dheer oo u dhexeysa Yurub iyo Mareykanka.”
Shirkan amniga ayaa ku soo beegmaya iyadoo Donald Trump uu ku hanjabay inuu ku darayo Greenland, taas oo khatar gelinaysa madaxbannaanida Denmark ee ku saabsan dhulka Arctic-ka, isla markaana uu canshuuro saari doono badeecooyinka ka yimaada dalalka Yurub.
