Madaxweynaha Mareykanka, Donald Trump oo khudbad u jeedinaya Congress-ka, ayaa waxaa uu ka hadlay arrimo dhowr ah oo ay ugu horreyaan waxa uu ka qabtay arrimaha dhaqaalaha iyo socdaalka.
Trump ayaa dhanka kale markale soo hadal qaaday Soomaalida oo uu sheegay inay lacago lunsadeen isagoo ku dhawaaqay, in madaxweyne ku-xigeenka JD Vance uu hoggaamin doono dagaal ka dhan ah wax-is-daba marinta, hadalkaas oo ay si xooggan uga falcelisay xildhibaanadda Kongareeska ee Soomaaliyeed, Ilhan Omar.
Hadallo deelqaaf ah, ayuu Mr Trump si gaar ah ula beegsaday bulshada Soomaaliyeed ee ku nool gobolka Minnesota.
Waxaa uu sheegay in ‘burcad badeed Soomaaliyeed’ ay u soo dhaceen gobolka, oo ay ka dhaceen balaayiin dollar, waa sida uu hadalka u dhigayee.
Dhanka wax is bada marinta iyo masuq-maasuqa, Minnesota ayuu tusaale u soo qaatay oo uu sheegay in bulshada Soomaalida ay xadeen lacag gaareysa 19 bilyan oo doolar.
Ilhaan Cumar oo ka tirsan xisbiga Dimuqraadiga ee gobolka Minnesota, ahna gabadhii ugu horreysay ee Soomaali-Mareykan ah oo loo doorto Congress-ka, ayaa ku qeylisay Trump iyada oo istaagtay korna ugu qaylisay in Trump uu yahay beenaale.
