Waxaa maanta inta badan laga Ciidayaa dunida Muslimka ah maalinta koowaad ee Ciidul fitriga kadib markii xalay lagu dhawaaqay in la arkay bilashada bisha Soonfureed ee Shawaal meelo badan oo ka mid ah dalalka Islaamka.
Soomaaliya ayaa waxay ka mid tahay dalalka Islaamka ah ee maanta sida weyn looga Ciidayo, waxaana wadooyinka Magaalada Muqdisho iyo magaalooyinka kale ee dalka intooda badan lagu arkayaa dadweyne u badan dhalinyaro iyo caruur lugeynaya, islamarkaana u dabaal degaya maalintaan qiimaha badan.
Magaalooyinka qaar Masuuliyiin ka tirsan dowladda Federaalka iyo dowlad goboleedyada dalka ayaa saakay Salaada Ciida kula tukaday boqolaal dadweyne ah masaajidda ku yaala Magaalada Muqdisho iyo magaalooyinka kale ee gobolada dalka.
Dadka ayaa bilaabay inay tagaan goobaha dalxiska.
