Markabka qodista shidaalka ee Turkiga Çağrı Bey ayaa soo gaaray biyaha Soomaaliya, isagoo qayb ka ah dadaallada lagu bilaabayo soo saaridda shidaalka dalka.
Sida qorshuhu uu yahay markabkan ayaa Dekadda Muqdisho soo gaaray maalinta Jimcaha ah ee ku beegan 10-ka April.
Imaanshaha markabkan ayaa loo arkaa tallaabo muhiim ah oo horudhac u ah howlaha shidaal baarista iyo ka faa’iidaysiga kheyraadka dabiiciga ah ee Soomaaliya.
Çağrı Bey waa markab casri ah oo leh awood sare oo ku saabsan qodista shidaalka badda hoosteeda, waxaana la filayaa inuu ka shaqeeyo aagagga badda ee loo asteeyay sahminta shidaalka.
Dowladda Soomaaliya iyo shirkadaha Turkiga ayaa iska kaashanaya mashruucan, kaas oo la rajeynayo inuu horseedo horumar dhaqaale iyo koboc ballaaran.
Imaanshaha markabkan wuxuu sidoo kale muujinayaa xoojinta xiriirka istiraatiijiga ah ee u dhexeeya Soomaaliya iyo Turkiga, gaar ahaan dhinacyada tamarta, maalgashiga, iyo horumarinta kaabayaasha dhaqaalaha.
Haddii howlaha qodista shidaalka ay si guul leh u bilowdaan, waxaa suuragal ah in Soomaaliya ay mustaqbalka dhow ka mid noqoto dalalka soo saara shidaalka, taas oo wax weyn ka beddeli karta dhaqaalaha dalka.
