Garsoore Cumar Cabduqaadir Cartan ayaa maanta dib ugu laabtay magaalada Muqdisho, kadib markii loo diiday fursadii uu kaga qayb gali lahaa koobka adduunka, iyada oo ay u ahayd markiisii ugu horaysay xilli dowladda Maraykanka ay kahor istaagtay inuu dalkeeda galo isaga oo haysta fiisihii uu kaga qayb gali lahaa ciyaaraha adduunka ee dalkaasi ka dhacaya.
Masuuliyiin ka tirsan DF iyo dad badan oo shacab ah ayaa garsoore Cartan ku soo dhaweeyay garoonka diyaaradaha Aadan Cadde ee Muqdisho.
Xalay Taageerayaashiisa ayaa kasoo sagootiyay garoonka diyaaradaha Istanbul.
Cartan ayaa rajaynayay inuu noqdo Soomaaligii ugu horeeyay ee dhexdhexaadiya ciyaar ka tirsan koobka adduunka.
Waxa uu u mahad celiyay FIFA, CAF iyo dhammaan Soomaalida, xilligii uu isu diyaarinayay ku laabashada dadalkiisa.
Galabta ayaa munaasabad lagu soo dhaweynayo waxaa looga qaban doonaa garoonka kubada Cagta ee Stadium Muqdisho.
Isaga oo kula hadlayay garoonka diyaaradaha Istanbul wakaalada wararka ee Reuters ayuu u sheegay inuu aad u niyad fiican yahay.
