Booliska Soomaaliya ayaa war kasoo saaray hadalo dhawaanahan la isla dhex marayay oo ku aadan in caasimadda ay ka dhici karaan falal amni darro.
Qoraal kasoo baxay Booliska Soomaaliya ayaa shacabka loogu sheegay inaysan jirin wax khatar amni ah.
“Taliska Ciidanka Boliiska Soomaaliyeed waxa uu bulshada Soomaaliyeed iyo saxaafadda u caddeynayaa in aysan jirin wax khatar amni ah oo ka jirta caasimadda Muqdisho” ayaa lagu yiri Qoraalka Kasooo baxay Booliska Soomaaliya.
Dagaalamayaasha AS ayay ku eedeeyeen inay ka dambeeyeen abuurista walaaca laga qabay in Caasimadda ay ka dhacaan falal amni darro “ayaa isku dayay inay abuuraan cabsi, iyagoo miinooyin been abuur ah ku dhajiyay xarun ganacsi oo ku taalla Degmada Daarusalaam” ayaa lagu yiri Qoraalka.
Miinooyinkaas waxaa la xaqiijiyay inay ahaayeen kuwo dheemish ah oo aan wax khatar ah geysan. Ma jirin wax khasaare nafeed ama mid hantiyeed oo ka dhashay falkaas.
Ciidanka Boliiska ayaa si degdeg ah uga jawaabay dhacdadan, kana qaaday tallaabooyin lagama maarmaan ah oo lagu xaqiijinayo amniga iyo kalsoonida bulshada.
Taliska Boliiska ayaabugu baaqay shacabka inay nabadda kala shaqeeyaan ciidamada amniga, ayna ka digtoonaadaan wararka been abuurka ah ee lagu qalqal galinayo bulshada Soomaaliyeed.
