Guddiga Doorashooyinka ayaa shaaciyay in 22-ka October la qabanayo doorasho la qorsheeyay inuu ku soo baxo Liibaan Axmed Xasan, hase yeeshee mucaaradka ayaa qaba in hannaanka loo marayo doorashada loo ekaysiinayo doorasho qof iyo cod ah.
Doorashadan ayaa imanaysa xilli uu dalka ka taagan yahay muran siyaasadeed oo la xiriira hannaanka doorashooyinka iyo sida loo wajahayo tartanka siyaasadeed.
Mucaaradka ayaa qaba in doorashada loo soo bandhigayo mid ku dhisan rabitaanka codbixiyeyaasha, balse ay jiraan duruufo keenaya in natiijada horay loo sii saadaaliyo, iyagoo su’aalo ka keenaya hufnaanta iyo tartanka dhabta ah ee doorashada.
Dhanka kale, Guddiga Doorashooyinka ayaa shaaciyay taariikhda la qabanayo doorashada, iyadoo indhaha lagu hayo sida ay wax u dhacaan marka la gaaro 22-ka October.
