War ka soo baxay Dowladda Soomaaliya ayaa lagu sheegay in duqayn ka dhacday gobolka Shabeellaha Dhexe lagu burburiyay gaadiid qaraxo lagusoo raray oo ay wateen maleeshiyaadka Al-Shabaab.
Duqayn ayaa ka dhacday deegaanno hoos taga degaanka Ceel Baraf ee Shabeellada dhexe, waxaana iska kaashaday Ciidanka Xoogga Dalka Soomaaliyeed iyo Ciidamada Mareykanka ee AFRICOM.
Ciidamada Qalabka Sida oo kaashanaya AFRICOM ayaa weli wada qiimeynta natiijada hawlgalka iyo dabagalka bartilmaameedyada kooxda Alshabaab, si loo xaqiijiyo badqabka shacabka iyo adkaynta amniga deegaannada la xoreeyay.
Dowladdu waxay qoraalkaan ku sheegtay in aysan wax tanaasul ah ka geli doonin dagaalka ka dhanka ah waxay ugu yeertay kooxaha Khawaarijta ee caqabadda ku ah nabadda Soomaaliya.
Qoraalka ayaa u qornaa sidan:-
Ciidamada Xoogga iyo kuwa ciidamada deegaanka ayaa maanta dib ula wareegay deegaanka Ceel Cali Axmed, oo maalmo ka hor ay qabsadeen maleeshiyaadka Al-shabaab.
Ciidanka dowladda ka hor inta aysan qabsan deegaanka ayaa waxaa ka dhacday duqeymo lala beegsaday goobo ay ku sugnaayeen Al-shabaab, waxaana saraakiisha howlgalka hoggaaminaysay ay sheegayaan in duqeymahaas ay geysteen khasaare kale duwan oo soo gaaray Al-shabaab.
