War saxaafadeed ka soo baxay dowladda Soomaaliya ayaa lagu sheegay in duqeyn ka dhacday deegaanka Biya Cadde ee Gobolka Shabeelada Dhexe lagu dilay maleeshiyaad badan oo ka tirsan Al-shabaab.
“Ciidanka Qaranka oo kaashanaya Saaxiibada Caalamka ayaa deegaanka Biya Cadde ee Gobolka Shabellaha Dhexe ka fuliyay howlgal duqeyn ah oo lagu dilay 44 xubnood oo isugu jira Horjoogeyaal iyo Maleeshiyaad ka tirsanaa Khawaarijta.” Ayaa lagu yiri qoraalka.
Qoraalka ka soo baxay dowladda Soomaaliya ayaa qornaa sidan;-
CIIDAMADA QARANKA OO KAASHANAYA SAAXIIBADA CAALAMKA OO HOWLGAL LAGU LAAYAY HORJOOGAYAAL IYO MALEESHIYAAD KHAWAARIJ AH KA FULIYAY HIRSHABEELLE.
Muqdisho, 02, Maarso, 2025: Ciidanka Qaranka oo kaashanaya Saaxiibada Caalamka ayaa deegaanka Biya Cadde ee Gobolka Shabellaha Dhexe ka fuliyay howlgal duqeyn ah oo lagu dilay 44 xubnood oo isugu jira Horjoogeyaal iyo Maleeshiyaad ka tirsanaa Khawaarijta.
Howlgallada oo dhacay xalay iyo saaka ayaa marar kala duwan lagu beegsaday Khawaarijta oo baxsad ka ahaa geesiyaasha qaranka, waxaana sidoo kale la burburiyay ilaa saddex gaadiid oo ahaa nooca dagaalka ah oo ay wateen Khawaarijta.
Ciidanka Qaranka oo kaashanaya saaxiibada caalamka iyo geesiyaasha deegaanka ayaa sii wada howlgalka lagu ciribtirayo haraadiga kooxaha Khawaarijta ah.
-DHAMMAAD
