Sunday, August 31, 2025

Maxay ka wadahadleen Madaxweynaha Galmudug iyo Hoggaamiyaha SSC Khaatuma

Madaxweynaha Dowlad Goboleedka Galmudug, Axmed Cabdi Kaariye (Qoorqoor), ayaa maanta magaalada Muqdisho kulan gaar ah kula yeeshay Hoggaamiyaha SSC-Khaatumo, Cabdiqaadir Axmed Aw-Cali (Firdhiye), kaas oo la sheegay inuu ahaa mid diiradda lagu saarayay arrimo xasaasi ah oo la xiriira xaaladda guud ee dalka iyo iskaashi dhexmari kara labada dhinac.

Kulanka ayaa waxaa lagaga hadlay qodobo ay ka mid yihiin:-

Xoojinta midnimada Jamhuuriyadda Federaalka Soomaaliya,

La dagaallanka argagixisada iyo nabadeynta deegaannada colaadaha ay saameeyeen,

Doorka ay maamul goboleedyadu ku yeelan karaan xal u helista arrimaha SSC-Khaatumo,

Iyo sidii loo dhiirrigelin lahaa wadahadal iyo iskaashi dhex mara dhamaan qaybaha kala duwan ee bulshada Soomaaliyeed.

Madaxweynaha Galmudug ayaa muujiyay taageerada uu u hayo dadaallada ay SSC-Khaatumo ku dooneyso in ay ku xasiliyaan deegaannada ay gacanta ku hayaan, isagoo adkeeyay in loo baahan yahay in dhammaan dhinacyadu ka wada shaqeeyaan nabadda iyo wadajirka dalka.

Dhankiisa, Hoggaamiye Firdhiye ayaa uga mahadceliyay Madaxweyne Qoorqoor fursadda kulanka, isagoo sheegay in ay muhiim tahay in la dhiso kalsooni dhexmarta madaxda Soomaaliyeed, si looga hortago colaad iyo kala shaki u dhaxeeya beelaha walaalaha ah.

Kulankan ayaa kusoo beegmaya xilli uu magaalada Muqdisho ka socdo abaabulka Shirka Golaha Wadatashiga Qaran, waxaana la aaminsan yahay in wada-hadallada noocan oo kale ah ay horseedi karaan jawi siyaasadeed oo is-faham iyo isu soo dhowaansho ku saleysan.

WARARKII KALE

Maxkamadda Ciidamada oo Xukun Dil ah ku Riday Ex Dable NISA Maxamed Buulle Muumin

Maxkamadda Darajada Koowaad ee Ciidamada Qalabka Sida ayaa maanta...

Madasha Samatabixinta: “Doorashada uu Xasan Sheekh ka wado Banaadir waa sharci darro halis leh”

Warsaxaafadeed ka soo baxay madasha Samatabixinta Soomaaliyeed ayaa waxaa...

DFS oo ku dhawaaqday in la dhameystiray dhismaha DG Waqooyi Bari

Warsaxaafadeed ka soo baxay wasaarada arrimaha gudaha ee Xukuumadda...

Xeer Ilaaliyaha Guud ee Qaranka oo digniin kasoo saaray dadka aflagaadada iyo sucad dilka kawada baraha bulshada

Xafiiska Xeer Ilaaliyaha Guud ee Qaranka ayaa sheegay inuu...

Booliska Soomaaliya oo sheegay in gacanta lagu dhigay askar dhac ka geysanaysay duleedka Muqdisho

Ciidanka Booliska Soomaaliyeed ayaa howlgalo ka kala dhacay Ceelasha...

Madaxweynaha Falastiiniyiinta oo laga hor istaagay ka qeybgalka Kalfadhiga Guud ee Qaramada Midoobay

Madaxweynaha Falastiiniyiinta, Maxamuud Cabbaas, ayaa laga hor istaagay inuu...

NAGU SOO BIIR

16,000FansLike
523FollowersFollow
352SubscribersSubscribe

Latest Articles